Mouse Ki Jankari Aur Mouse Types | Jane Hindi Me | माउस की जानकारी

Dosto! Aaj hum aap logo ko yeh batayenge ki mouse akhir kya cheez hota hain aur isko use kis tarah se kiya jata hain. Wese toh aap logo ko yeh pata hi hoga ki mouse computer ka ek hissa hota hain aur mouse ke dwara hi hum pure computer ko control kar sakte hain. Lekin aaj hum aap logo ki iss aadhi adhuri jankari ko pakka aur buland banane ke liye hi apna yeh khas lekh lekar aaye hain. Aaj ke iss lekh ko agar aap log dhyan se padhenge toh aap logo ko yeh detail main pata chalega ki mouse ke kya kya uses hain aur mouse ke fayde aur nuksan kya kya hote hain. Toh aap logo se humari bas yahi request hain ki aap log iss lekh ko zada dhyan se read kariye.

Mouse Ki Jankari and Mouse Types – माउस की जानकारी

Aaj jante hai Mouse Ki Jankari Aur Mouse Types Jane Hindi Mai. Aaj mouse ke bina computer par kaam karna asambhav sa lagta hai. Lekin computer ko apni lambi vikas yatra mai mouse ka saath bahoot baad me mila. Mouse se aam logon ka parichaye 1981 me hua. Jab zerox star 8010 computer ke saath pehli baar mouse bajar me aaya. Halanki mouse ko aam logon ke beech lokpriye banane ka shrey apple company ko jaata hai. Jisne 1984 me apne macintosh computer me mouse ka prayog shuru kiya. Jara sochiye, use pehle log bina mouse ke kaise kaam chalet honge? Asal me, pehle computer screen par graphics, button, menu aadi nahi aate the aur us par numbered path sirf do dishaon me chalta tha. Baayen se daayen tatha upar se niche. Aise me mouse ki jarurt hi mehsus nahi hoti thi.

Mouse Ki Jankari Aur Basic

Mouse ka avishkaar stainford research institute ke doctor Douglas C Engelbart ne 1963 me kiya tha. Unka mouse lakdi ka bana tha jisme dhatu ka ek pahiya aur do button the. Douglas Engelbart ne jab 1967 me mouse ke liye pentet ki arji dakhil ki to uska bada jatil sa naam rakha tha. Xy position indicator for a display system. Unhe 1970 me petent mila. Shuru shuru me mouse ka naam rakha gaya “bag”(kida). Aaj computer ki bhasha me programming sabandhi galtiyan aur virus ko “bug” kaha jaata hai.

Lekin mouse ko jaldi hi “bug” ki bajay mouse naam mil gaya. Vajah sidhi sadi thi. Mouse ki taar kisi chuhe ki punch jaise lagti thi aur ghumane par veh kisi chuhe ke chalne jaisa hi aabhas deta tha. Yeh naam sabko pasand aaya aur lokpriye ho gaya. Aaj sirf angreji hi nahi, hindi, russi, spanish, german, itlavi aadi bhasaon mai bhi mouse ko mouse hi kaha jaata hai.

Key board ki hi tarah mouse bhi ek input device (aagam yukti ) hai. Jiska kaam computer ke processor ko sanket bhejna hai. Mouse ke jariye hum computer ki screen par cursor (tankan bindu) ki sthiti ko niyantrit kar sakte hai. Button aur menu aadi ka prayog kar sakte hai. Chitra bana sakte hai. Audi-video file ko sampandit kar sakte hai. Computer game khel sakte hai. Aur yahan tak ki on screen keyboard ke jariye typing bhi kar sakte hai.

Mouse ek input device hain, jise pointing device ke name se bhi jana jata hain. GUE ke prayog se iska mahatwa aur zada badh gaya hain. Ek mouse main 2 ya 3 button hote hain jinhe daya baya tatha madhya button kaha jata hain. Mouse ke niche ek rubber ka ball laga rahta hain. Jab kisi samatal satah par ya mouse pad par mouse ko ghumaya jata hain ya hilaya jata hain toh yeh rubber ka ball ghumta hain aur uski gati aur disa monitor par mouse pointer ki gati aur disha main parivartit ho jata hain.

Mouse Ke Types

Windows operating system mai istemaal hone vale samanya mouse me do ya teen button aur ek pahiya hota hai. Mouse ke bheetar ek ball (golak ) hoti tha. Jo satah par mouse ki gati ke saath saath ghumti hai. Jab hum mouse ko chalate hai to gend uski vartmaan sthiti ke bare me uske bheetar mojud logic board ko sanket bhejti hai. Ye sanket computer ke processor tak pahunchate hai. Jo monitor ki screen par teer jaise dikhne vale sanket ki position ko niyantrit karta hai. Mouse ke buttan ko dabakar computer me nirdesh bhi bheje jaate hai. Apple macintosh aadharit computer ke mouse me ek hi button hota hai. Aaj gend vale mouse lagbhag band ho chuke hai. Unki jagah laser mouse ne le li hai. Laser mouse ka speed gend vale mouse fast hai.

Yaha mouse ke kuch types mention kiye hai.

  1. Wired mouse
  2. Wireless mouse
  3. Gstick mouse
  4. Optical mouse
  5. Trackball mouse
  6. Mechanical mouse or ball mouse
  7. Laptop mouse

Mouse ka karya

Click – Mouse ke button ko ek baar dabakar chhor dena.

Double click – Mouse ke baye wale button ko do baar zaldi zaldi dabakar chhor dena.

Drag – Jab mouse ke baye wale button ko dabaye hue ek jagah se dusre jagah par le jaya jata hain. Iska prayog kisi bhi chitra, icon etc. Ko ek jagah se dusre jagah par le jane ke liye kiya jata hain.

Select – Jab mouse ke cursor ko kisi image ya icon par le jakar mouse ke baye wale button ko click kiya jata hain tab woh image ya icon select ho jata hain.

Mouse ke fayde aur nuksan

Mouse ke fayde

  1. Inko desktop computer ke sath use karna sabse best mana jata hain.
  2. Yeh keyboard ke sath milkar data entry main bahut sahayak hote hain.
  3. Inko asani se kisi bhi computer ke sath bahut asani se joda ja sakta hain.

Mouse ke nuksan

  1. Inko aapke computer ke paas kaam karne ke liye samatal jagah ki zarurat padti hain. Yeh sirf samatal jagah par hi kaam kar sakta hain.
  2. Kuchh mouse ayese hote hain jo apni satthikta aur gati kho dete hain.
  3. Agar mouse ko jada der tak istemaal kiya jaye toh yeh swastha ke liye hanikarak hota hain aur iss main satren injury hone ka khatra rahta hain.
  4. Agar wireless mouse ki bettery khatam ho jaye toh isko tab tak istemaal nahi kiya ja sakta, jab tak uss mouse ke bettery ko badal na diya jaye aur uski jagah par naya bettery na laga diya jaye.

Toh upar ke lekh ko padhkar aap logo ko yeh acchi tarah se samajh main aa gaya hoga ki mouse kya hain aur iske uses kya kya hain. Agar aap log iss pure lekh ko acchi tarah se samajh chuke hain toh ab bas aap logo se yahi kahenge ki aap log inn lines ko apne dimag main fit kar lijiye aur dusro ke paas bhi inn jankario ko forward karte rahiye.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s